Keflavík lagði Íslandsmeistara Vals í Blue höllinni í kvöld í 8. umferð Subway deildar kvenna. Eftir leikinn er Keflavík sem áður taplausar í efsta sætinu á meðan að Valur er í 4. sætinu með fimm sigra eftir fyrstu átta leikina.
Karfan spjallaði við Agnesi Maríu Svansdóttur leikmann Keflavíkur eftir leik í Blue höllinni. Staðfesti Agnes meðal annars að hún væri á leið frá Keflavíkurliðinu nú um áramótin til að ganga til liðs við University of North Florida í bandaríska háskólaboltanum, en þar mun hún vera í liði með Helenu Rafnsdóttur, sem fór til sama skóla frá Njarðvík fyrir síðasta tímabil.
