Afturelding varð um helgina meistari 4. deildar 9. flokks drengja eftir sigur gegn b liði Hauka í úrslitaleik á Meistaravöllum. Eftir jafnan fyrsta leikhluta náði Afturelding forystu sem þeir létu aldrei af hendi og unnu að lokum 9 stiga sigur. Sigurbjörn Einar Gíslason var valinn maður leiksins, en hann skilaði 22 stigum, 4 fráköstum og 2 vörðum skotum.
Hér fyrir ofan má sjá mynd af sigurliðinu ásamt þjálfurum sínum Sævaldi Bjarnasyni og Hlyni Loga Ingólfssyni.
Mynd / KKÍ
