Sigvaldi Eggertsson hefur framlengt samningi sínum við og mun áfram leika með Fjölni í fyrstu deild karla.
Sigvaldi var lykilmaður í liðinu á síðasta tímabili, með að meðaltali 21 stig og 8 fráköst í leik. Hann var fyrir vikið valinn í úrvalslið 1. deildar karla á lokahófi KKÍ í vor, ásamt því að vera valinn mikilvægasti leikmaður Fjölnis á lokahófi deildarinnar í maí.
Sigvaldi hefur áður leikið fyrir Hauka og ÍR í Bónusdeildinni. Einnig lék hann á Spáni árið 2018, eftir að hafa spilað með Fjölni tímabilið 2017-2018, þar sem hann var kjörinn besti ungi leikmaður 1. deildar karla eftir tímabilið. Hann hefur líka verið lykilmaður í öllum yngri landsliðum Íslands.
Sigvaldi sagði við undirskriftina að hann væri spenntur fyrir að halda áfram með Fjölni: „Ég hlakka til að leggja mitt af mörkum fyrir félagið og leiða liðið í baráttunni um sæti í efstu deild. Við teljum okkur eiga óklárað verkefni sem við stefnum á að skila inn eftir tímabilið.“
Baldur Már Stefánsson, þjálfari liðsins, sagði að hann væri gríðarlega ánægður með að Sigvaldi tæki aftur slaginn með liðinu: „Hann var algjörlega frábær í fyrra og einn allra besti leikmaður deildarinnar. Hann spilar risastórt hlutverk fyrir liðið sem ætlar að gera aðra atlögu að því að komast upp í úrvalsdeild.“
