Ljóst er að Viktor Jónas Lúðvíksson mun ekki leika meira með Stjörnunni á yfirstandandi keppnistímabili vegna axlarmeiðsla sem hann hlaut í leik með KFG.
Niðurstöður ítarlegra rannsókna og myndatöku leiddu í ljós að Viktor þarf að gangast undir aðgerð á öxl. Í tilkynningu frá félaginu kemur fram að vonast sé til að markviss endurhæfing með sérfræðingateymi liðsins skili honum aftur á völlinn á nýju ári, en félagið sendir honum jafnframt sínar bestu batakveðjur.
