Ægir Þór Steinarsson hefur undirritað nýjan tveggja ára samning við Stjörnuna í Garðabæ. Ægir, sem er einn reynslumesti leikstjórnandi landsins, lék fyrst með félaginu á árunum 2018 til 2021 áður en hann hélt aftur í atvinnumennsku erlendis. Hann sneri aftur í Garðabæinn árið 2023 og hefur síðan þá verið einn af burðarásum liðsins, en hann átti meðal annars stóran þátt í að tryggja Stjörnunni þeirra fyrsta Íslandsmeistaratitil í sögu félagsins á síðasta ári.
Þrátt fyrir að hafa orðið fyrir meiðslum í úrslitakeppninni gegn KR í ár er Ægir á góðum batavegi og ljóst að hann verður lykilmaður í uppbyggingu liðsins fyrir komandi tímabil. Forráðamenn Stjörnunnar fagna því að halda þessum öfluga leiðtoga innan sinna raða, enda er hann talinn mikilvæg fyrirmynd jafnt innan sem utan vallar. Með nýjum samningi er ljóst að reynsla hans mun nýtast liðinu vel í baráttunni um frekari titla á næstu árum.
