Nú rétt í þessu voru að berast fregnir þess efnis að læknateymi íslands í samvinnu við pólsku kollega sína náðu að slíta Ægir Þór Steinarsson af Jordan Lloyd erlendum leikmanni Póllands. Og á hárréttum tíma því Ægir Þór mun mæta í dag í sinn 100. landsleik fyrir Íslands.
Stórglæsilegur áfangi hjá Ægi og verður hann 14. leikmaðurinn til að ná inn á 100 leikja listann og jafnar Jón Arnór Stefánsson. Næstir á listanum eru svo Jón Arnar Ingvarsson (pabbi Kára) með 102 leiki og Falur Jóhann Harðarson með 106 leiki. Karfan.is sendir Ægi að sjálfsögðu hamingjuóskir með þennan stórkostlega feril með landsliðinu og megi hann verða lengri!
Mynd fyrir ofan: Ægir í leiknum gegn Póllandi og angistar svip má sjá á Jordan kallinum sem var augljóslega að hvíla sig eftir rimmu við Ægi.
