Burgos skellti Caceres 91-69 í spænsku LEB Gold deildinni í gærkvöldi en þar mættust landsliðsfélagarnir Ægir Þór Steinarsson og Ragnar Á. Nathanaelsson. Ægir var í byrjunarliði Burgos og skoraði 4 stig og gaf 1 stoðsendingu á 19 mínútum.
Ragnar kom inn af bekknum hjá Caceres og var með 2 stig og 1 frákast á þeim fjórum mínútum sem hann lék í leiknum. Burgos heldur inn í jólahátíðina í 4. sæti LEB Gold deildarinnar með 10 sigra og 6 tapleiki en Caceres er í 13. sæti með 7 sigra og 9 tapleiki.
