10:09
{mosimage}
(Það eru fleiri en Íslendingar sem eru undrandi)
Sjötti leikur Atlanta og Boston var magnaður í nótt en hann var í beinni útsendingu á Stöð 2 Sport. Eftir hörkuleik höfðu Atlanta sigur með þremur stigum, 103-100, og síðasta skot leiksins var ágætis þriggja-stiga skot frá Rajon Rondo, leikmanni Boston. Þar með er staðan jöfn í einvígi liðanna og sjöundi leikurinn verður í Boston á sunnudag.
Sex leikmenn Atlanta skoruðu 10 stig eða meira en stigahæstur þeirra var Marvin Williams með 18 stig. Williams fór reyndar útaf meiddur þegar hann braut greinilega á Paul Pierce. Hann kom þó inná í endann og kláraði síðustu sekúndur leiksins. Mike Bibby var með 17 stig. Hjá Boston var Kevin Garnett með 22 stig og þriggja-stiga skyttan magnaða Ray Allen var með 20 stig og setti aðeins eitt af átta þriggja-stiga skotum sínum.
Tracy McGrady fellur enn eitt árið út úr úrslitakeppninni án þess að vinna einvígi. Að þessu tapaði Houston fyrir Utah, 113-91 í beinni á NBAtv, og einvíginu 4-2. McGrady gerði allt til þess að halda liði sínu í keppninni en hann setti 40 stig í nótt en það dugði ekki til. Hjá Utah voru sjö leikmenn með 10 stig eða meira og er það styrkleikamerki á meðan aðeins tveir leikmenn Houston komust í tveggja stafa tölu í stigaskorum. Deron Williams setti 25 fyrir Utah sem mætir L.A. Lakers í næstu umferð.
{mosimage}
(LeBron James fagnar þegar sigurinn er í höfn í nótt)
Þegar á reynir stígur LeBron James upp og dregur lið sitt áfram. Í nótt var hann með 27 stig, 13 fráköst og 13 stoðsendingar í 17 stiga sigri, 88-105, Cleveland á Washington. James gerði allt rétt en þrír leikmenn Cleveland skoruðu 20 stig eða meira. Þar með er einvígið Clevelands og eru þeir komnir áfram 4-2. Í næstu umferð mæta þeir sigurvegaranum úr einvígi Boston og Atlanta. Hjá Washington var Antwan Jamison með 23 stig og Caron Butler bætti við 18. Gilbert Arenas lék ekki með Washington.
Myndir: AP
