22:10
{mosimage}
Lijie Miao skoraði mest allra í dag
Átta liða úrslit körfuboltakeppni kvenna á Ólympíuleikunum fór fram í dag og má segja að úrslit allra leikja hafi verið eftir bókinni og öruggir sigrar eftir því. Í undanúrslitum eiga fjórar heimsálfur hver sinn fulltrúa.
Kína sigraði Hvíta Rússland 77-62 í fyrsta leik dagsins þar sem Lijie Miao var stigahæst kínversku stúlknanna með 28 stig.
Kínverjar mæta Áströlum í undanúrslitum en áströlsku stúlkurnar sigruðu Tékka 76-46 og var Laruen Jackson stigahæst eins og oft áður, nú með 17 stig.
Í hinum undanúrslitaleiknum mætast Bandaríkin og Rússland. Bandarísku stúlkurnar gjörsigruðu Suður Kóreu 104-60 og skoraði Sylvia Fowles 26 stig fyrir þær bandarísku.
Rússar sigruðu svo Spánverja en þessi lið áttust einmitt við í úrslitum Evrópumótsins á Ítalíu í fyrra. Leikar fóru 84-65 í dag og skoraði Tatiana Shchegoleva 19 stig fyrir Evrópumeistarana.
Undanúrslitaleikirnir fara fram á fimmtudagskvöldið að kínverskum tíma.
Mynd: www.fiba.com
