9:50
Það eru ekki margir sem hafa gengið út á körfuboltavöll gegn goðsögninni Michael Jordan og yfirgefið völlinn sem sigurvegarar.
Það upplifði John Rogers nokkur fyrir um fimm árum síðan, en hann var meðal þáttakenda á Flight School námskeiði Jordans. Myndband frá atburðinum hefur nýverið komið upp á yfirborðið og má sjá það með því að smella hér . Viðstaddir voru fjölmargir körfuknattleiksáhugamenn, þar á meðal John Rogers nokkur, framkvæmdastjóri og stjórnarformaður fjárfestingafyrirtækisins Ariel Investments, sem lét ekki frægðarljóma Jordans blinda sig.
Jordan bauð nokkrum þátttakendum upp í dans og er skemmst frá að segja að Rogers fór illa með hann á köflum og tryggði sér sigur með laglegu sniðskoti með vinstri.
Fékk hann dynjandi lófatak frá áhorfendum, en Jordan, sem var um fertugt, mátti láta sér nægja háðsglósur frá spaugaranum Damon Wayans sem var meðal áhorfenda.
ÞJ
',width:'300',height:'100'" width="300" height="100" align="" />
