22:16
{mosimage}
(Damon Bailey)
Vísir.is fór mikinn í dag með málefni Damons Bailey en þar kemur fram að Bailey hafi aldrei greitt skatt hérlendis á þeim rúmum fjórum árum sem hann hefur leikið hér.
Bailey var síðast samningsbundinn Grindavík í annað skiptið á ferlinum en þar að auki hefur hann leikið með Hamar/Selfossi, Þór í Þorlákshöfn og Njarðvík.
Eftirfarandi segir Bailey m.a. í samtali sínu við Vísir.is í dag:
„Að minnsta kosti 60 bandarískir leikmenn hafa spilað hér á landi síðan ég kom hingað. Þeir eru líklega fleiri en það. Ég lofa því að enginn þeirra hefur grennslast fyrir um skattgreiðslur þeirra hjá annað hvort félögunum sjálfum eða skattayfirvöldum. Ég hef sjálfur rætt við fjöldamarga leikmenn sem segja allir að félögin sjálf hafi séð um að greiða skattana þeirra, bæði á Íslandi sem og í Evrópu. Við vitum lítið um þessi mál en það er alveg ljóst að ég hef engan hag á því að svíkja undan skatti. Ég er ekki með neitt slæmt á minni samvisku."
Hannes Jónsson, formaður Körfuknattleikssambands Íslands, segir í samtali við Vísi að sambandið muni bregðast við fullyrðingum Damon Bailey.
Lesa greinarnar um málið á Vísir.is:
Bailey: Engar skattgreiðslur á fjórum árum – http://visir.is/article/20081118/IDROTTIR03/510834298
Yfirlýsingar að vænta frá Grindavík – http://visir.is/article/20081118/IDROTTIR03/162986898
Njarðvíkingar segja fullyrðingar Bailey rangar – http://visir.is/article/20081118/IDROTTIR03/308337372
KKÍ mun skoða þetta mál – http://visir.is/article/20081118/IDROTTIR03/331730754
www.visir.is
Mynd: Snorri Örn Arnaldsson
