08:48
{mosimage}
(Haukar eru í fínu formi og slógu út úrvalsdeildarlið Blika í bikarnum á dögunum)
Stórleikur fer fram í Hveragerði í kvöld þegar Hamar tekur á móti Haukum í 1. deild karla kl. 19:15 en þessi tvö lið skipa efstu sæti deildarinnar og eru bæði ósigruð. Sex umferðum er lokið í 1. deild og eru Hamarsmenn á toppnum með 115 stig í nettó en Haukar ekki langt undan með 92 stig í nettó svo að miklu er að keppa í Hveragerði í kvöld.
Alls eru fjórir leikir í 1. deild karla í kvöld og Þór Þorlákshöfn fær Flúðamenn í heimsókn kl. 19:15, Ármann tekur á móti KFÍ í Laugardalshöll kl. 19:15 og kl. 20:00 mætast Valur og Fjölnir í Vodafonehöllinni.
Einn leikur fer fram í 1. deild kvenna þegar Keflavík B tekur á móti Skallagrím kl. 18:15 í Toyotahöllinni í Reykjanesbæ og þá fara fram tveir leikir bikarkeppni yngri flokka. UMFN tekur á móti Keflavík B í 10. flokki karla kl. 19:00 í Ljónagryfjunni.
