22:37
{mosimage}
(Marvin í leik gegn Haukum fyrr í vetur)
Marvin Valdimarsson hefur byrjað tímabilið í 1. Deildinni hreint ótrúlega og komið mörgum á óvart. Hann hefur að meðaltali skorað 34,7 stig, hirt 6,7 fráköst og gefið 2,2 stoðsendingar. Þessi tölfræði er líklega ein af ástæðunum fyrir því að Hamar hefur ekki tapað leik í fyrstu deildinni í vetur. Þrátt fyrir velgengni vetrarins bjóst Marvin ekki við þetta sannfærandi sigri á Völsurunum. “Ég bjóst við hörkuleik, eins og þetta var í fyrri hálfleik og framan af seinni, en siðan bara keyrðum við á þá og þá áttu þeir ekki brake.”
Hver var munurinn á liðunum í dag?
“Ég held að við höfum bara spilað ömurlega vörn í fyrri hálfleik, alveg bara hörmulegt. Þeir skoruðu 50 stig á okkur. En í seinni hálfleik þá fórum við í gang og spiluðum hörku svæðisvörn. Þeir skora ellefu stig í þriðja leikhluta, enda í 88. Þannig að við stútuðum þeim bara í seinni hálfleik, í vörn og sókn.”
Baráttuandinn skýn af Hamarsmönnum, er ekki gaman að spila körfu í Hveragerði þessa dagana?
“Heldur betur maður, hrikalega gaman. Bæði kvenna og karlakörfunni. Það gengur vel. Jason er frábær kani, örugglega einn besti kaninn í deildinni, úrvalsdeildinni líka. Það er yndislegt að spila. Gústi er frábær þjálfari.
Hvað er að gerast hjá þér í ár, hverju ertu að bæta þig í til að ná svona tölum?
“Ég er búinn að vera í tómu tjóni seinustu tvö ár. Búinn að vera meiddur mikið og sjálfstraustið niðri. Kominn aftur heim í Hveragerði og Gústi er að búta til fullt af kerfum fyrir mig. Jason hjálpar mér mjög mikið og Svavar Páll. Svavar Páll er besti sendingamaðurinn í deildinni og hann center. Þeir finna mig bara og þá hitti ég.”
Gísli Ólafsson
Mynd
[email protected]
