11:23
{mosimage}
(Telma Fjalarsdóttir er þekktur frákastari, hvað verða hún og Ragna Margrét með mörg í dag í Hólminum?)
Tíunda umferðin í Iceland Express deild kvenna hefst í dag með þremur leikjum sem allir verða leiknir kl. 16:00. Íslandsmeistarar Keflavíkur mæta í Vesturbæinn og leika gegn KR en þessi tvö lið léku til úrslita um Íslandsmeistaratitilinn í fyrra þar sem Keflavík hafði betur 3-0.
Topplið Hauka leggur land undir fót og mætir nýliðum Snæfells í Stykkishólmi en Haukar hafa verið á mikilli siglingu undanfarið með Kristrúnu Sigurjónsdóttur í broddi fylkingar. Fjölnir tekur svo á móti Hamri í Grafarvogi.
Fjöldi leikja er í dag og m.a. einn leikur í 1. deild karla en þar mætast Höttur Egilsstöðum og Ármann kl. 15:00 fyrir austan. Annars má sjá alla leiki dagsins hér: http://kki.is/leikvarp.asp
