08:54
{mosimage}
(Chris Paul er mikill vinnuþjarkur!)
Boston Celtics unnu sinn sextánda leik í röð í NBA deildinni í nótt þegar meistararnir mörðu sigur á Atlanta Hawks 85-88 í Philips Arena í Atlanta. Kevin Garnett fór fyrir Boston í leiknum með 18 stig og 8 fráköst en hann gerði 10 af sínum 18 stigum í fjórða leikhluta. Joe Johnson var stigahæstur hjá Hawks með 20 stig.
Celtics hafa nú leikið 26 leiki, unnið 24 og tapað tveimur sem er besti byrjunarárangur í sögu félagsins. Besta byrjun í sögu NBA deildarinnar er í eigu Philadelphia 76ers þegar liðið vann 26 af 28 fyrstu leikjum sínum tímabilið 1966-67 og þetta met var síðar jafnað af New York Knicks leiktíðina 1969-1970. Lengsta sigurhrina í sögu Boston er 18 sigurleikir í röð en það félagsmet var sett leiktímabilið 1981-1982.
Sögulegir viðburðir áttu sér einnig stað þegar New Orleans lagði San Antonio Spurs 90-83. Chris Paul sló gamla metið hjá Alvin Robertson sem staðið hafði síðan 1986. Chris Paul hefur leikið 106 deildarleiki í NBA deildinni í röð þar sem hann er skráður með stolinn bolta! Þá komst Tim Duncan miðherji Spurs í hóp þeirra 33 manna sem tekið hafa 10.000 fráköst eða fleiri í NBA deildinni. David West var stigahæstur í leiknum hjá Hornets með 21 stig og 9 fráköst en Chris Paul var með 19 stig, 12 stoðsendingar, 6 fráköst, 3 stolna bolta og 1 varið skot. Hjá Spurs var Tony Parker með 20 stig, 5 fráköst og 4 stoðsendingar. Tim Duncan var með 16 stig og 11 fráköst.
Önnur úrslit næturinnar:
Indiana Pacers 127-120 Golden State Warriors
Philadelphia 76er 93-88 Milwaukee Bucks
Toronto Raptors 86-96 Dallas Mavericks
Detroit Pistons 88-74 Washington Wizards
New Jersey Nets 92-103 Utah Jazz
Minnesota Timberwolves 70-83 Cleveland Cavaliers
Chicago Bulls 115-109 LA Clippers
