13:00
{mosimage}
(Helena gerði 11 stig fyrir TCU í nótt)
Helena Sverrisdóttir og félagar í TCU máttu í nótt sætta sig við ósigur gegn BYU háskólanum í bandarísku háskóladeildinni á heimavelli sínum í Fort Worth í Texas. Lokatölur leiksins voru 46-62 BYU í vil þar sem Helena og Emily Carter voru jafnar og stigahæstar í liði TCU með 11 stig.
Helena var einnig með 5 fráköst, 3 stoðsendingar og 1 stolinn bolta í leiknum. Þetta var fyrsti ósigur TCU í Mountain West riðlinum en fyrir höfðu TCU haft sigur á Colorado State og UNLV. Næsti leikur TCU í Mountain West riðlinum er laugardaginn 17. janúar n.k. þegar liðið fær Air Force skólann í heimsókn sem tapað hefur tveimur fyrstu leikjum sínum í riðlinum.
