10:00
{mosimage}
(Helena og félagar unnu mikilvægan sigur í nótt)
Helena Sverrisdóttir og félagar í bandaríska háskólaliðinu TCU höfðu betur gegn San Diego State 65-62 á heimavelli sínum í Fort Worth í Texas. Völlurinn heitir Daniel-Meyer Coliseum. Helena átti fínan leik með TCU en hún gerði 7 stig, tók 8 fráköst, gaf 6 stoðsendingar og var með 2 varin skot. Helena tapaði þó 7 boltum í leiknum á þeim 35 mínútum sem hún lék.
Eftir sigurinn í nótt er TCU með 5 sigra og 2 tapleiki í Mountain West riðlinum en úrslit í riðlinum ákvarða hverjir komist áfram í NCAA úrslitakeppnina. Með leiknum í nótt hefur Helena sett niður 23 vítaskot í röð. Næsti leikur TCU er stórleikur gegn toppliði Utah sem hefur ekki tapað leik í Mountain West riðlinum en þess má geta að San Diego State á leik til góða gegn TCU en er einu sæti ofar og því sigur TCU afar mikilvægur í nótt.
