Tveir leikir fóru fram í Powerade bikar kvenna nú í kvöld og unnust þeir báðir örugglega á heimvelli. Haukar og Hamar eru komin áfram.
Haukar unnu Njarðvík á Ásvöllum 75-50 og var Heather Ezell stigahæst Haukastúlkna með 24 stig en hún tók að auki 13 fráköst, gaf 10 stoðsendingar og stal 10 boltum, fjóföld tvenna hjá henni í fyrsta leik. Harpa Hallgrímsdóttir skoraði 9 fyrir Njarðvík.
Í Hveragerði vann Hamar Val 84-50 og skoraði Kristrún Sigurjónsdóttir 18 stig fyrir Hamar en Sofia Lundegardh var með 12 fyrir Val.
Haukar og Hamar mætast í undanúrslitum keppninnar en leikurinn fer fram á þriðjudag á Ásvöllum.
Einn leikur fer fram í keppninni á morgun en KR tekur á móti Snæfell klukkan 16 í DHL höllinni.
[email protected]Þetta netfang er varið fyrir ruslrafpósti, þú þarft að hafa Javascript virkt til að skoða það
Mynd: [email protected]
