Liðsmenn Solna náðu að knýja fram oddaleik í einvígi sínu við Norrköping en Solnamenn unnu 90-84 í gærkvöldi. Helgi skoraði 1 stig fyrir Solna. Oddaleikur liðanna verður á fimmtudagskvöld í Norrköping en þar hefur Solna ekki gengið vel og heimamenn ávallt farið með sigur af hólmi í úrslitakeppninni.
Í deildinni áttust Norrköpping og Solna fjórum sinnum þar sem hvort lið fór með tvo sigra af hólmi. Fyrsti leikurinn var í Norrköpping og þar vann Solna sigur. Svo skiptust liðin á að vinna.
Plannja er búið að tryggja sér sæti í úrslitum en þeir lögðu Uppsala 3-1.
Mynd: Helgi Már Magnússon og félagar þurfa að vinna á heimavelli Norrköpping en það hefur ekki tekist í úrslitakeppninni – www.kr.is/karfa
