Sjötta viðureign Lakers og Boston í baráttunni um NBA titilinn fer fram í nótt og hefst kl. 01:00 eftir miðnætti. Landi Boston sigri verður liðið NBA meistari en takist Lakers að vinna sigur verður oddaleikur í Staples Center. Staðan er 3-2 í einvíginu Boston í vil og leikar komnir yfir á Vesturströndina.
Sjónvarpsáhorfið á úrslitaseríuna í NBA deildinni hefur aukist til muna. Fimmti leikur Boston og Lakers sem fram fór á heimavelli Boston fékk mesta áhorf NBA deildarinnar í sjónvarpi síðan árið 2004 og er 36% meira áhorf en á leik 5 hjá Lakers og Orlando á síðustu leiktíð.
Þá hefur sjónvarpsáhorf verið meira í yfirstandandi seríu heldur en árið 2008 þegar þessi sömu lið léku til úrslita en þá fagnaði Boston sigri en það var fyrsti titill liðsins frá árinu 1986.
Ljósmynd/ Garnett og félagar í Boston geta orðið meistarar í nótt og má búast við að áhorfið aukist enn frekar.
