Körfuknattleiksdeild Breiðabliks er með körfuboltanámskeið fyrir börn fædd 1998-2003 í sumar. Námskeiðin eru frá kl. 9:00 til 12:00 virka daga og eru haldin í Smáranum. Hægt er að koma með börnin kl. 08:00 því barnagæsla er á staðnum til kl. 9:00. Sama á við í hádeginu. Körfuboltanámskeiðin eru bæði fyrir þá sem hafa gaman af körfubolta og eins fyrir þá sem langar bara að prufa eina og eina viku.
Öllum börnum með lögheimili í Kópavogi fæddum 1998-2003 (1. til 6. bekk grunnskóla) er boðið að mæta á námskeiðið ókeypis í eina viku.
Kennd verða grunnatriði körfuknattleiksins bæði með æfingum og með því að fara í ýmsa leiki s.s. “kílókörfu” og “varpa bolta” og hinn sívinsæla spilaleik. Um er að ræða mjög lifandi og skemmtilegt námskeið sem notið hefur mikilla vinsælda undanfarin ár. Ef veður er gott verður farið út að leika. Verð fyrir vikunámskeið er 5.000 kr. Verð fyrir hádegismat er 500 kr.
Hægt er að skrá börn á námskeiðin og í gæslu með því að senda tölvupóst á netfangið [email protected] eða hringja í síma 510 6400. Veittur er 20% systkinaafsláttur. Einnig er hægt að hafa samband við Sævald Bjarnason sem hefur umsjón með námskeiðunum; [email protected] – gsm: 893 8052
1. námskeið 9. – 18. júní
2. námskeið 21. – 25. júní
3. námskeið 28. – 2. júlí
4. námskeið 5. júlí – 9. júlí
5. námskeið 12. – 15. júlí – aðeins 4 dagar vegna Símamóts
6. námskeið 19. – 23. júlí – engin matur
7. námskeið 26. – 30. júlí – engin matur
8. námskeið 3. – 6. ágúst – engin matur
