Jón Gunnar Magnússon, þjálfari körfuknattleiksliðs ÍBV fór á kostum í dag þegar liðið tók á móti Reykjavíkurliðinu KV í Eyjum í 2. deild karla. Jón Gunnar skoraði hvorki meira né minna en 57 stig í leiknum sem er líklega hæsta stigaskor leikmanns í Eyjum frá upphafi. www.eyjafrettir.is greina frá.
Það þarf varla að taka það fram að þetta er líka það mesta sem Jón Gunnar hefur skorað í einum leik. ÍBV vann nokkuð þægilegan sigur, 104:89 en staðan í hálfleik var 55:44.
