Helena Sverrisdóttir skoraði 30 stig í nótt þegar TCU lagði UT Arlington með öruggum hætti 81-39. Þessi 30 stig eru persónulegt met hjá Helenu með TCU þar sem hún leikur nú á sínu fjórða og síðasta ári í bandarísku háskóladeildinni.
Helena var einnig með 6 fráköst og 4 stoðsendingar á aðeins 25 mínútum. Helena kom TCU á sporið í leiknum þar sem hún skoraði 16 stig í fyrri hálfleik. Næsti leikur TCU er 12. desember gegn Texas A&M skólanum.
