Haukur Helgi Pálsson og félagar í Maryland háskólaliðinu enduðu árið 2010 á háu nótunum með sigri á North Florida 85-62 þann 29. desember síðastliðinn. Haukur Helgi komst á blað og fékk að reyna sig í 4 mínútur í leiknum.
Haukur skoraði 1 stig í leiknum af vítalínunni og tók 2 fráköst. Stigahæstur hjá Maryland var Jordan Williams með 17 stig og 11 fráköst en kappinn sá fór mikinn í jólakveðjunni sem við birtum hér á Karfan.is á aðfangadag.
Maryland gengur því inn í nýja árið með 9 sigra og 4 tapleiki og hafa tapað sínum eina leik sem þeir hafa leikið í ACC riðlinum sem er gríðarlega sterkur og hefur á að skipa skólaliðum Duke, North Carolina, Florida State ásamt mörgum öðrum.
