Einum leik er lokið í Iceland Express deild karla þar sem Grindvíkingar skelltu sér á topp deildarinnar um stund eftir sigur á Tindastólsmönnum í Röstinni. Lokatölur 77-66 Grindvíkingum í vil.
Páll Axel Vilbergsson gerði 26 stig, tók 11 fráköst og gaf 5 stoðsendingar í liði Grindvíkinga en hjá gestunum úr Skagafirði var Hayward Fain með 20 stig og 9 fráköst.
Grindvíkingar hafa nú 24 stig á toppi deildarinnar en Stólarnir eru með 12 stig í 7. sæti deildarinnar .
Þá gerðu Blikar góða ferð norður á Akureyri og lögðu heimamenn í Þór 77-92 í 1. deild karla. Óðinn Ásgeirsson gerði 30 stig í liði heimamanna en hjá Blikum var Arnar Pétursson með 22 stig og 5 stoðsendingar.
Nánar síðar…
