Topplið Stjörnunnar tók á móti Val í 1. deild kvenna í dag í Ásgarði í Garðabæ. Stjörnustúlkur höfðu góðan 72-58 sigur í leiknum og eru nú með 18 stig á toppi deildarinnar. Með sigrinum náðu Garðbæingar að auka bilið milli sín og Valskvenna upp í 6 stig en Valur er í 2. sæti með 12 stig.
Bára Fanney Hálfdánardóttir var stigahæst hjá Stjörnunni í dag með 25 stig og 10 fráköst en hjá Val var María Björnsdóttir með 21 stig.
Torfi Magnússon leit við í Garðabæ í dag og má sjá myndasafn eftir hann hér.
