Það er nú orðið ljóst hvaða lið það eru sem munu spila um átta efstu sætin á EM kvenna en riðlakeppninni lauk í gærkvöld.
Tékkland sigraði fyrri riðilinn en ásamt þeim fóru Litháen, Rússland og Tyrkland áfram. Svartfjallaland sigraði seinni riðilinn og með þeim fóru áfram Lettland, Frakkland og Króatar.
Í kvöld hefjast leikirnir í átta liða úrslitum og munu Lettar mæta Rússum í fyrri leiknum og Tékkar mæta Króatíu.
Á morgun mætast svo Svartfjallaland og Tyrkland í fyrri leiknum en Litháar og Frakkar í þeim seinni.
Mynd: Svartfjallaland hefur komið, séð og sigrað en þær eru að spila á EM í fyrsta sinn – fibaeurope.com
