Það eru fleiri tíðindi sem berast úr Hafnarfirði í dag en samkvæmt heimasíðu Hauka þá hefur liðið sagt upp samningi sínum við Mike Ringgold og mun hann leika með Þór Þorl. í Iceland Express deildinni.
Haukar munu ekki flýta sér að leita eftirmanns og mun til að byrja með aðeins tefla fram einum erlendum leikmanni.
Á heimasíðu Hauka segir:
Mike Ringgold mun ekki leika með Haukaliðinu í Iceland Express deildinni í vetur en stjórn kkd. Hauka ákvað að rifta samningi hans. Mike er þó ekki horfinn úr Iceland Express deildinni þar sem að Þór Þorl. mun nýta krafta hans í stað Hauka.
Mike kom til Hauka í byrjun september og spilaði með liðinu í Reykjanesmótinu sem haldið var í síðasta mánuði.
Til að byrja með munu Haukar einungis tefla fram einum erlendum leikmanni í Iceland Express deildinni.
