Helgi Magnússon er maður kvöldsins í Svíþjóð en lið hans 08 Stockholm vann Uppsala 90-81 í kvöld. Helgi fór fyrir sínu liði en hann skoraði 39 stig í leiknum. Sundsvall skellti sér á toppinn, ásamt Norrköping, með sigri á Södertalje.
Helgi skoraði stigin sín 39 á aðeins tæpum 29 mínútum. Hann nýtti 11 af 15 skotum sínum(5/6 tveggja stiga og 6/9 þriggja stiga) og setti 11 af 14 vítaskotum sínum.
Sundsvall vann Södertalje 93-75. Hlynur Bæringsson skoraði 13 stig, Jakob Sigurðarson var með 11 stig og Pavel Ermolinskij setti 10 stig en þeir þrír voru allir í byrjunarliði Sundsvall.
Jamtland vann stóran sigur á Solna 101-83. Brynjar Þór Björnsson var með 17 stig fyrir Jamtland og Logi Gunnarsson skoraði einnig 17 stig en þau voru fyrir Solna.
Staða í deildinni:
| 1. | Sundsvall Dragons | 5/2 | 10 |
| 2. | Norrköping Dolphins | 5/2 | 10 |
| 3. | Uppsala Basket | 4/3 | 8 |
| 4. | Borås Basket | 4/2 | 8 |
| 5. | Södertälje Kings | 4/3 | 8 |
| 6. | 08 Stockholm HR | 4/3 | 8 |
| 7. | LF Basket | 3/4 | 6 |
| 8. | Jämtland Basket | 3/4 | 6 |
| 9. | Solna Vikings | 2/5 | 4 |
| 10. | ecoÖrebro | 0/6 | 0 |
Mynd: Helgi Magnússon skoraði 39 stig í kvöld.
