Fjórir leikir fara fram í Iceland Express deild karla í kvöld en Karfan.is setti sig í samband við fjölmiðlamanninn Þórð Helga Þórðarson og við fengum hann til að rýna í leiki kvöldsins. Þórður er m.a. þáttastjórnandi Sportrásarinnar á RÚV.
Leikir kvöldsins:
Valur-Fjölnir
Tindastóll-Grindavík
Snæfell-ÍR
Þór Þorlákshöfn-Njarðvík
Þórður um leiki kvöldsins:
Valsmenn ákváðu snemma í haust að taka ekki of mikin þátt í mótinu og þeir hafa ekki breytt neinu um þá skoðun sína og steinliggja fyrir frískum Örvaríseruðum Fjölnismönnum sem eru náttúrulega eitt þessara liða sem berjast um að komast í úrslitakeppnina – Fjölnir sigrar með 23 stiga mun.
Heitasta liðið á landinu heitir Tindastóll, eftir að hafa púllað spegil frá síðasta ári og tapað fyrstu 5 leikjum tímabilsins þá hafa þeir (eins og í fyrra) farið á svokallað eðalrun bæði í deild og bikar og eru eins og Fjölnir hér að ofan í þessum pakka sem eru annaðhvort í fallhættu eða á leið í úrslitakeppnina og komnir í fyrsta sinn í úrslit bikarsins. Mig grunar að lögreglan þurfi að vera á varðbergi á Króknum í kvöld þar sem íbúar munu stútfylla "Síkið" og skilja eftir tóm hús fyrir fingralanga. Stuðningur heimamanna kemur Stólum í lykilstöðu þegar 3,45 sekúndur eru eftir af leiknum en Paxel skorar þrist frá Grindavík og stelur sigrinum, annað ránið á skömmum tíma hjá Grindvíkingum
ÍR-ingar hafa verið aðeins í ruglinu upp á síðkastið og eru enn í sárum eftir vopnað (J´Nathan) rán Grindvíkinga í Hellinum og svo vita allir að það er ekkert grín að mæta í Hólminn.
7 stiga sigur Snæfells
ÞorláksÞórsarar fóru ansi illa með hitt græna liðið þegar þeir kíktu í Lundinn í fyrra og flestir ef ekki allir spekingar setja 1 á þennan leik. Það náttúrulega get ég ekki gert þar sem ég veit að hið eina sanna græna lið (Green cubs) eru farnir að þroskast og farnir að átta sig á því að lífið er ekki bara leikur, lífið er sigur. Litlu kisurnar frá Njarðvík vinna óvæntan sigur í tvíframlengdum leik þar sem Guðmundur Jónsson Þórsari á lokaskotið í leiknum sem verður hreint loft…. og má sjá fyrirsögn á forsíðu morgunblaðsins á morgun: Einar þjálfari Njarðvíkinga sást brosa í Þorlákshöfn í gær! (undirtexti) ekki náðust myndir þar sem hann áttaði sig á mistökum sínum og gaf sér góðan kinnhest og bað sína menn afsökunar.
