Það kom hugsanlega fæstum á óvart að það voru Keflavík sem lönduðu Íslandsmeistaratitlinum í 8. flokki kvenna í dag í ljósi þess að í úrslitaleiknum spiluðu A og B lið Keflavíkur til úrslita. Svo fór að 35:15 A-liðinu í vil. Það voru þær Elva Falsdóttir og Thelma Dís Ágústsdóttir fyrirliðar A-liðsins sem tóku við bikarnum úr höndum Önnu Maríu Sveinsdóttir.
Keflavík heldur því áfram framleiðslu sinni á frambærilegum kvennaflokkum og ekki sér fyrir endan á þeirri þróun. Karfan.is óskar þessum fyrstu Íslandsmeisturum ársins til hamingju með daginn.
B lið þeirra Keflvíkinga með silfrið.
Fyrirliðar A-liðsins Elfa Falsdóttir og Thelma Dís Ágústsdóttir
