Í gærkvöldi hófst úrslitakeppnin í Iceland Express deild karla þar sem Grindavík og KR tóku 1-0 forystu í rimmum sínum. Í kvöld hefjast hinar tvær rimmurnar þar sem eigast við Þór Þorlákshöfn-Snæfell og Stjarnan-Keflavík. Þór og Stjarnan hafa heimaleikjaréttinn í rimmunni og því er leikið í Icelandic Glacial Höllinni og Ásgarði í kvöld.
Báðir leikirnir hefjast kl. 19:15 en það lið sem fyrr vinnur tvo leiki tryggir sér farseðilinn í undanúrslit. Þór og Snæfell unnu sinn hvorn deildarleikinn en Stjarnan hafði örugga sigra gegn Keflavík í báðum deildarviðureignum liðanna í vetur.
Þá eru tveir leikir í 2. deild karla í kvöld en um undanúrslit er að ræða. Í fyrri leiknum kl. 20:30 mætast Augnablik og Leiknir í Kórnum og í Kennaraháskólanum kl. 21:00 mætast Fram og Reynir Sandgerði. Þau lið sem vinna í kvöld tryggja sér sæti í 1. deild karla á næstu leiktíð en sigurvegarar kvöldsins munu svo mætast í úrslitaviðureign 2. deildar karla eftir páska.
Mynd/ Marvin og félagar í Stjörnunni taka á móti Keflavík í Ásgarði í kvöld.
Mynd/ Marvin og félagar í Stjörnunni taka á móti Keflavík í Ásgarði í kvöld.
