Í dag og í kvöld fóru fram sex leikir í kvennakörfunni á Ólympíuleikunum í London. Lauren Jackson og félagar í ástralska liðinu lönduðu sigri og þær bandarísku eru við sama heygarðshornið…að rassskella andstæðinga sína.
Úrslit dagsins:
Bandaríkin 89-58 Tyrkland
Angel McCoughtry gerði 18 stig í bandaríska liðinu en hjá Tyrkjum voru tvær jafnar með 11 stig, þær Vardarli og Holingsvorth.
Kína 76-52 Angóla
Zengyu Ma og Nan Chen voru báðar með 15 stig í kínverska liðinu en hjá Angóla var Sonia Guadalupe með 12 stig.
Króatía 70-89 Tékkland
Katerina Elhotova var stigahæst í sigurliði Tékka með 20 stig en hjá Króötum var Sandra Mandir einnig með 20 stig.
Kanada 60-64 Frakkland
Shona Thorburn gerði 17 stig í liði Kanada en hjá Frökkum var Emilie Gomis með 16 stig.
Brasilía 61-67 Ástralía
Hin öfluga Lauren Jackson gerði 18 stig í liði Ástralíu en hjá Brasilíu var Karla Costa með 22 stig.
Rússland 67-61 Bretland
Natalie Stafford gerði 18 stig í liði heimakvenna en hjá Rússum var Evgeniya Belyakova með 12 stig.
Mynd/ Frá viðureign Ástralíu og Brasilíu í London í dag.
