Rockets með 140 stig og jöfnuðu þristamet

Í nótt fóru fimm leikir fram í NBA deildinni, við ætlum að líta á tvo þeirra þar sem Houston Rockets snögghitnuðu og Kobe Bryant lék tvo varnarmenn Brooklyn Nets ansi grátt með skrímslatroðslu.

 

Kobe var stigahæstur með 21 stig, 8 fráköst og 4 stoðsendingar. Lakers voru á Dwight Howard sem missti af sínum þriðja leik í röð vegna meiðsla. Brook Lopez var svo atkvæðamestur í liði Nets með 30 stig og 11 fráköst. Kobe átti tilþrif leiksins þegar hann hamraði yfir Brooklyn-vörnina en troðsluna má sjá hér að neðan í tilþrifum næturinnar.

 

Houston gerði 77 stig í fyrri hálfleik í leiknum en liðið setti niður 23 þrista í leiknum og jöfnuðu þar með deildarmetið. Jeremy Lin gerði 28 stig og gaf 9 stoðsendingar fyrir Rockets og James Harden lauk leik með 18 stig, 7 stoðsendingar og þrjá stolna bolta. Jarrett Jack kom með 20 stig af bekknum hjá Golden State og einnig 5 stoðsendingar.