Myndasafn: 16 ára stelpurnar í 4. sæti

U16 ára landslið stúlkna hafnaði í dag í 4. sæti á Norðurlandamótinu í Solna. Íslensku stelpurnar lentu í hörkuleik á móti Dönum en máttu á endanum sætta sig við tveggja stiga tap, 64-62. Heimamenn í Svíþjóð urðu Norðurlandameistarar í þessum flokki eftir 71-53 sigur á Finnum.

 

Eva Kristjánsdóttir var næststigahæsti leikmaður mótsins í 16 ára flokki kvenna með 15,8 stig að meðaltali í leik og þá var hún þriðja frákastahæst á mótinu með 8,4 fráköst að meðaltali í leik.