Mjótt á mununum í NBA

Þrír leikir fóru fram í NBA deildinni í nótt. Meistarar Miami Heat mörðu sigur gegn LA Clippers í Staples Center, Denver vann spennusigur á Atlanta og þá nældu LA Lakers sér í eins stig sigur gegn Houston á útivelli. Taugarnar voru því þandar vestanhafs í nótt.

 

 

Dwyane Wade gerði 29 stig, gaf 7 stoðsendingar og tók 4 fráköst í liði Miami en Blake Griffin var með 27 stig og 14 fráköst í liði Clippers.

 

Lawson að daðra við þrennuna hjá Denver með 23 stig, 7 fráköst og 8 stoðsendingar og Millsap með 29 stig, 10 fráköst og 5 stoðsendingar hjá Atlanta. Gestirnir frá Atlanta fengu tvö þokkaleg skot til að jafna leikinn en þau vildu ekki niður að þessu sinni.

 

James Harden fór fyrir Houston með 35 stig, 9 fráköst og 5 stoðsendingar en það dugði ekki til að sinni. Hjá Lakers voru sex leikmenn sem rufu 10 stiga múrinn og þeirra atkvæðamestur var Jodie Meeks með 18 stig og 3 fráköst af Lakers bekknum sem samtals gerði 48 stig af 99 hjá Lakers í leiknum. Steve Blake kom Lakers í 98-99 með þriggja stiga körfu og skildi 1,3 sek. eftir á klukkunni og það dugði Rockets ekki til að stela sigrinum.