Háspenna í Philadelphia

Í upphafi tímabils spáðu flestir að Houston Rockets myndu leiða vesturdeildina í lok tímabils. Rockets hafa þó farið hægt af stað og líta ekki alveg út fyrir að vera lið til að ógna nágrönnum sínum í San Antonio – sem stendur, alla vega.

 

Philadelphia er hins vegar hin hliðin á þessum peningi. Spáð langneðsta sæti af flestum ef ekki öllum. Leikmennirnir í borg bræðraástarinnar láta slíkar hrakspár sem vind um eyrun þjóta og fella hvert stórliðið á fætur öðru: Miami, Chicago og nú Houston. Sitja nú sem fastast í efsta sæti Atlantshafsriðilsins.

 

Leikur Houston og Philly var hinn skemmtilegasti. Bauð upp á mikla sýningu. 9 þristar frá Jeremy Lin og einkamet James Anderson í stigaskorun með 36 stig. Anderson setti líka þristinn sem jafnaði metin í lok venjulegs leiktíma og reddaði framlengingu fyrir heimamenn. Philly unnu svo framlenginguna 11-17.