Jón með 12 stig gegn Bonn

Jón Arnór Stefánsson gerði 12 stig í 71-60 sigri CAI Zaragoza í Eurocup í kvöld þegar Telekom Baskets Bonn kom í heimsókn til Spánar. Flottur leikur hjá Jóni sem sem einnig var með 6 fráköst og eina stoðsendingu í leiknum.

 

 

CAI Zaragoza er í 3. sæti í D-riðli en þrjú efstu liðin í hverjum riðli komast áfram í 32 liða riðlakeppni að lokinni þessari fyrstu riðlakeppni sem nú stendur yfir. Takist Zaragoza að vera eitt af þremur efstu liðum riðilsins komast þeir áfram upp á næsta stig en liðið á tvo leiki eftir í riðlinum. Zaragoza á eftir að mæta Virtus Rome á útivelli og toppliði riðilsins, Gravelines Dunkerque, á heimavelli.