Raptors spilltu endurkomu Kobe

Kobe Bryant sneri aftur inn á parketið í nótt eftir meiðsli en mátti bíða ósigur með LA Lakers á heimavelli gegn Toronto Raptors. Lokatölur 94-106 í Staples Center. Bryant var í byrjunarliðinu og gerði 9 stig á tæpum 28 mínútum. Bryant fór síðastliðinn apríl í aðgerð vegna hásinaslita og hefur batinn hjá kappanum verið með lygilegum eindæmum.

 

 

Á lokakafla leiksins kom Kobe Bryant inn fyrir Xavier Henry og kláraði leikinn, skipting sem gekk ekki upp í nótt þar sem Henry kvaddi leikinn með 17 stig og Lakers gekk lítt eftir þessa skiptingu á lokasprettinum.

 

Þá mættust Oklahoma og Indiana þar sem Oklahoma pakkaði toppliði Austurstrandarinnar 118-94. Kevin Durant gerði 36 stig, tók 10 fráköst og gaf 5 stoðsendingar. Hjá Indiana var Paul George með 32 stig.