Bobcats að þamba Hatorade-ið

  Sex leikir fóru fram í NBA deildinni í nótt og vitaskuld beindust allra augu að viðureign Charlotte Bobcats og Golden State Warriors, en ekki hvað! Síðustu tímabil hafa verið Bobcats-mönnum þung og oftar en ekki hefur klúbburinn hans Michael Jordan verið skotspónn þeirra sem kunna sitthvað fyrir sér í Photoshop eða öðrum snöggsoðnum internetaðferðum en núna eru Kemba og félagar hreinlega að þamba Hatorade elexírinn og já afrekuðu sigur gegn vesturstrandarliði í nótt.

Sex liðsmenn Bobcats gerðu 11 stig eða meira í leiknum og var Kemba Walker þeirra stigahæstur með 31 stig. Heil 43 stig og 9 stoðsendingar frá Stephen Curry dugðu ekki að sinni fyrir Golden State. Eins og sakir standa í dag eru Bobcats sjötta liðið inn í úrslitakeppnina af austurströndinni en þarna austanmegin mættu menn gyrða í brók því lið af vesturströndinni eru nánast farin að hlægja að þeim.

 

 

 

 

Önnur úrslit fóru sem segir hér að neðan.