Sundsvall Dragons lágu í spennuslag í kvöld gegn Norrköping Dolphins á útivelli. Heimamenn skelltu niður þrist þegar tvær sekúndur voru til leiksloka og lokaskot Jakobs Arnar Sigurðarsonar geigað til að knýja fram framlengingu. Norrköping fagnaði því sigri 79-76.
Hlynur Bæringsson var með tvennu fyrir Sundsvall, 12 stig og 12 fráköst og Jakob Örn Sigurðarson bætti við 11 stigum og 3 fráköstum. Ægir Þór Steinarsson lék í fimm mínútur í leiknum en náði ekki að skora.
Sundsvall hefur nú 30 stig í 4. sæti sænsku úrvalsdeildarinnar með 15 sigra og 12 tapleiki en með sigrinum kom Norrköping sér betur fyrir í 3. sæti deildarinnar og hefur nú fjögurra stiga forystu á Sundsvall.
Mynd/ Sundsvall Dragons – Jakob Örn á ferðinni með Drekunum.
