Irving með 31 í sigri gegn Oklahoma

Tíu leikir fóru fram í NBA deildinni í nótt. Kevin Durant og félagar í Oklahoma City Thunder töpuðu nokkuð óvænt á heimavelli þegar Kyrie Irving og Cleveland Cavaliers komu í heimsókn. Til að bæta gráu ofan á svart í herbúðum Oklahoma var þetta þriðji ósigur liðsins í röð á heimavelli og hefur það ekki gerst síðan leiktíðina 2008-2009.

 

 

Allir í byrjunarliði Cleveland gerðu 11 stig eða meira í leiknum. Irving með 31 og 9 stoðsendingar og þá var Durant aðeins stoðsendingu frá þrennunni í liði Oklahoma með 28 stig, 10 fráköst og 9 stoðsendingar.