Jón Arnór Stefánsson fær ásamt liðsfélögum sínum verðugt verkefni í ACB deildinni á Spáni í dag þegar stórlið Barcelona mætir í heimsókn. Gera má ráð fyrir hörkuleik en Barcelona er í 3. sæti ACB deildarinnar með 19 sigra og 6 tapleiki en Zaragoza er í 6. sæti með 15 sigra og 10 tapleiki.
Viðureign Zaragoza og Barcelona hefst kl. 18:00 í dag að staðartíma eða kl. 16:00 að íslenskum tíma.
Þá tapaði Valladolid í gær gegn Bilbao á útivelli. Lokatölur 93-77 fyrir Bilbao og fékk Hörður Axel Vilhjálmsson annan leikinn í röð ekki að koma við sögu í liði Valladolid.
