Njarðvíkingar með bakið upp við vegginn fræga taka á móti Íslands- og bikarmeisturum Grindavíkur í fjórðu undanúrslitaviðureign liðanna í kvöld í Domino´s deild karla. Staðan í einvíginu er 2-1 fyrir Grindavík og dugir Sverri Þór og hans mönnum sigur í kvöld til að tryggja sér sæti í úrslitum. Ef Njarðvík vinnur verður oddaleikur í Röstinni á Skírdag, næsta fimmtudag.
Viðureign liðanna hefst kl. 19:15 í kvöld og verður leikurinn sýndur í beinni á Stöð 2 Sport. Njarðvíkingar opnuðu einvígið með 73-81 sigri í Grindavík en meistararnir svöruðu með 73-95 sigri og svo 89-73 sigri. Sumarfrí eftir kvöldið hjá Njarðvíkingum eða oddaleikur í Röstinni…já, þegar stórt er spurt!
Mynd/ [email protected] – Miðherjarnir Tracy og Sigurður eiga vafalítið eftir að fá sér snúning í kvöld.
