Gregg Popovich hræðist ekki breytingar á byrjunarliðum sínum, svo mikið er víst. Í gær henti hann Matt Bonner í byrjunarliðið í miðherjastöðuna og lét hann hanga sem mest fyrir utan teiginn til að halda Ibaka frá honum.
Pop uppskar engan sýnilegan árangur af þessari tilraun því Bonner endaði á bekknum eftir 17 mínútur alls með ekkert stig, 0/4 í skotum og með 2 villur. Hey, mátti reyna.
Spurs voru samt ballin’. Skoruðu út um allt. Voru 13/26 í þristum og 51,3% nýtingu í það heila. Varnarleikurinn var einnig grjótharður en þeir héldu Thunder í 43% nýtingu utan að velli og 25% fyrir utan þriggja. Frákastabaráttuna unnu þeir létt með 48 á móti 35 hjá OKC.
Boris Diaw átti frábæra innkomu af bekknum hjá Spurs og endaði með 13 stig og 2/2 í þristum. Framlagið af bekknum hjá Spurs var ekki ónýtt eða alls 55 stig. Þar munaði mest um 19 frá Manu Ginobili.
Varnarleikur OKC var í molum en Spurs skoruðu 129 stig per 100 sóknir og hittu 59,9% eFG%.
Reggie Jackson byrjaði inn á fyrir OKC þrátt fyrir að hafa snúið ökklann í leik 4 og skilaði 11 stigum á 32 mín. Thabo Sefolosha virðist vera kominn í frostið hjá Scott Brooks því hann spilaði aðeins 7 mínútur í leiknum.
Hjá OKC voru það the usual suspects, KD og Westbrook sem leiddu með 25 og 21 stig. Gamla brýnið Tim Duncan setti 22 fyrir Spurs og reif niður 12 fráköst.
