Ingi Þór Steinþórsson fékk dæmt á sig tæknivíti í viðureign Snæfells og KR í Domino´s deild karla á dögunum. Höfðu leikmenn hans á bekknum sem og aðstoðarþjálfarinn gert hávaða út af atviki sem upp kom í leiknum.
Einn þriggja dómara leiksins aðvarar þá Inga Þór, sem er eins og flestir vita oftar en ekki með snörp svör á takteinunum, og samkvæmt heimildum Karfan.is urðu samskiptin eitthvað á þennan veg:
– Dómari: „Aðvörun á þjálfara Snæfells“
– Ingi: „Ertu að aðvara mig“?
– Dómari: „Já, þú berð ábyrgð á þínu liði!“
– Ingi Þór: „Ég er ekki Hanna Birna.“
– flautað = tæknivilla.
Já það gengur á ýmsu í boltanum.
Mynd/ Ingi Þór Steinþórsson þjálfari Snæfells „…er ekki Hanna Birna“
