Nú á eftir kl. 16:00 (ísl. tími) mætast Ísland og Ítalía í sínum fyrsta landsleik í sögu þjóðanna. Bæði lið máttu fella sig við ósigur í gærkvöldi, Ísland lá gegn Þýskalandi en Ítalía tapaði naumlega gegn Tyrklandi.
Ítalir hafa í tvígang orðið Evrópumeistarar, fyrst árið 1983 og aftur árið 1999. Liðið landaði svo bronsverðlaunum árið 2003 en síðan þá hefur liðið ekki komist á verðlaunapall á EuroBasket.
Ítalir tefla fram þremur NBA leikmönnum í þeim Danilo Gallinari (Denver Nuggets), Andrea Bargnani (Brooklyn Nets) og Marco Belinelli (Sacramento Kings).
