Eitt af helstu kennitáknum Berlínar eru leifar samnefnds múrs. Listamenn og aðrir hafa fengið að spreyta sig við þessar sögulegu minjar múrsins sem enn eru standandi. Nú er svo komið að Körfuknattleikssamband Íslands er komið með merki sitt á múrinn, listamaðurinn og vallarþulurinn Páll Sævar Guðjónsson betur þekktur sem „Röddin“ tók sig til og spreyjaði merki KKÍ á múrinn. Það skal tekið fram að Páll hafði til þess fullt leyfi en á vissum stöðum ku þetta vera leyfilegt.
Myndir/ Úr einkasafni: Á efri myndinni má sjá hversu þrusugóður „bombari“ Páll Sævar er og á þeirri neðri er listamaðurinn ánægður með afraksturinn.
