Í kvöld fara fram tveir leikir í Lengjubikarkeppninni. Báðir leikirnir hefjast kl. 19:15. Í DHL-Höllinni verður Reykjavíkurslagur þegar Íslandsmeistarar KR taka á móti erkifjendum sínum úr ÍR.
Þá mætast Hamar og Keflavík og verður þetta fyrsti leikurinn þar sem nýr þjálfari Hamarskvenna, Daði Steinn Arnarsson, verður við stjórnartaumana en hann tók við liðinu á dögunum eftir að Árni Þór Hilmarsson sagði starfinu lausu af persónulegum ástæðum.
Mynd/ Sveinbjörn Claessen mætir með ÍR sveitina sína í DHL-Höllina í kvöld.
