Jón Arnór Stefánsson og félagar í Valencia stoppuðu stutt við í Konungsbikarnum þetta tímabilið en Valencia tapaði 78-83 gegn Herbalife Gran Canaria í 8-liða úrslitum keppninnar í kvöld.
Jón Arnór lék í rúmar fjórar mínútur í leiknum en tókst ekki að skora. Stigahæstur í liði Valencia var San Emerito með 17 stig.
Þá tapaði Barcelona 72-73 gegn Bilbao og það verða því Bilbao og Gran Canaria sem mætast í undanúrslitum. Annað kvöld mætast svo Rio Natura Monbus og Laboral Kutxa í 8-liða úrslitum og Real Madrid mætir Fuenlabrada.
